მეტროსადგურ გოცირიძეზე ტექნიკური შეფერხების გამო მოძრაობა დღეს საღამოს დაახლოებით 20 წუთით გაჩერდა. თბილისის სატრანსპორტო სამსახურის ინფორმაციით მიზეზი ხარვეზი გახდა, რომლის გამოც მატარებლის ჩიხში გადაყვანა გახდა საჭირო. მგზავრებს ვაგონები დააცლევინეს. დაზიანებული მატარებლის ჩიხში გადაყვანის შემდეგ მოძრაობა აღდგა.
ბოლო პერიოდში ხარვეზები თბილისის მეტროპოლიტენში ხშირია. მიზეზი ხან მატარებლების დაზიანება, ხან ელექტროგაყვანილობა და ხან სავალ ნაწილზე არსებული პრობლემებია.
