,,მგონი თვითონ პრემიერი გადაიხდის მაგ ჯარიმას, ასე გადაეცით”,- ასე გამოეხმაურა იღუმენი კონსტანტინე საგანგებო მდგომარეობის პირობებში 10-ზე მეტი ადამიანის შეკრების აკრძალვას, რისი დარღვევაც ჯარიმით დაისჯება.
იღუმენის თქმით, უფლის ეშინია და არა პრემიერების.
,,ჩვენ მაგის არ გვეშინია, ჩვენ უფლის გვეშინია და არა პრემიერების. როცა დიდი განსაცდელი იყო, სულ იყო ზიარება, მარხვა, ლოცვა და ა. შ. რა იქნება?! არაფერი. რასაც უფალი ინებებს, ის იქნება. ჩვენ არ გვეშინია – ქრისტიანებს, მართლმადიდებლებს და სხვებმა იკითხონ”,- ამბობს იღუმენი კონსტანტინე.
დღეს საქართველოს პრემიერ-მინისტრმა პრეზიდენტს საგანგებო მდგომარეობის გამოცხადების წარდგინებით მიმართა, რის შემდეგაც ზურაბიშვილმა 1 თვით საგანგებო მდგომარეობა გამოაცხადა.
გახარიას თქმით, საგანგებო რეჟიმის წესების დარღვევა გამოიწვევს ადმინისტრაციულ პასუხისმგებლობას. ფიზიკური პირები დაჯარიმდებიან 3000 ლარით, ხოლო იურიდიული პირები 15 000 ლარით. იგივე ქმედება განმეორებით გამოიწვევს სისხლის სამართლის პასუხისმგებლობა 3 წლამდე ვადით.
