თბილისში, ვერცხლის ქუჩაზე მომხდარი სროლის დროს დაჭრილ მამაკაცს გადაუდებელი ოპერაცია ჩაუტარდა.
მამაკაცს ცეცხლსასროლი იარაღიდან მრავლობითი დაზიანებები ჰქონდა მიყენებული. დაჭრილი პირი რეანიმაციულ განყოფილებაში იმყოფება და მისი მდგომარეობა მძიმეა.
თბილისში, 19 თებერვალს, ვერცხლის ქუჩაზე 50 წლამდე მამაკაცი მოკლეს. ადგილობრივებმა რამდენიმე გასროლის ხმა გაიგეს. რუსთავი 2 – ის ინფორმაციით, გარდაცვლილს ჭრილობა სავარაუდოდ, თავის არეში აქვს მიყენებული.
ადგილობრივების განცხადებით, ცეცხლსასროლი იარაღით მამაკაცს ავტომობილიდან ესროლეს.
ადგილზე სამართალდამცველები იყვნენ მობილიზებულები და ჩაატარეს საგამოძიებო მოქმედებები.
