წერილიდან ორი თვე გავიდა, მაგრამ ფილარმონიას ისევ ინთერნეიშენალ ივენთი მართავს. სანდო წყარო კურიერს უყვება, რომ მიხეილ გიორგაძემ ეკონომიკის მინისტრის წერილის მიღების შემდეგ დახმარება ბიძინა ივანიშვილს სთხოვა, ქართული ოცნების ლიდერმა პროცესი გააჩერა. თბილისის მთავარ საკონცერტო დარბაზს კომპანია დღეში 685 ლარად ქირაობს, თუმცა წერილში, რომელიც ინთერნეიშენალ ივენთმა ეკონომიკის მინისტრს გაუგზავნა, წერია, რომ ამდენ ფულს ვერ იხდის და ქირის შემცირებას დღეში 275 ლარამდე ითხოვს. რაც შეეხევა 3,5 მილიონიან ვალს, ინთერნეიშენალ ივენთი 1,5 მილიონი ლარის ჩამოწერას, დანარჩენი თანხის კი 9 წელზე გადანაწილებას ითხოვს.
“მეგობრებო და მელომანებო!
გთხოვთ ყურადღებას!
100 წელია უკვე რაც ჩვენი საყვარელი საქართველოს სახელმწიფო სიმფონიური ორკესტრი (Georgia Philharmonic) არსებობს და რაც საქართველო დამოუკიდებელი გახდა მის მერე უსახლკაროდ დაძრწის მთელ ქვეყანაზე. არ დავწერ ამ კოლექტივის წარმატებების შესახებ, მაგრამ ვინც არ იცის იცოდეს რომ ათასობით უ წ ა რ მ ა ტ ე ბ უ ლ ე ს ი კონცერტი აქვს ჩატარებული მსოფლიოს უწარმატებულეს არტისტებთან ერთად და ძალიან ბევრჯერ ასახელა ჩვენი ქვეყანა და ქართველობა მსოფლიოს ყველა დიდ და პატარა საკონცერტო დარბაზებში და ეს მოხდა უდუდესი შრომის და წვალების ხარჯზე. შრომა გვიყვარს…! უბრალოდ სად ვიშრომოთ? სად გავიზარდოთ? სად ვიმუშაოთ რომ თქვენამდე მოვიდეთ წელში გამართულები და ამაყები….?!
უკვე წლებია ამ ქვეყნისგან ვითხოვთ დახმარებას და ყველას ჰკიდია ის რომ ყოველ დღე 120 ადამიანი ერთმანეთს ხვდება საშინელ პირობებში და მიუხედავად სიძნელეებისა მაინც ვუღიმით ერთმანეთს და იმედის თვალით ერთმანეთს ვანუგეშებთ. საქართველოს სახელმწიფო სიმფონიური ორკესტრი…!
ეს უდიდესი პასუხისმგებლობაა და თურმე უდიდესი ტვირთია… მოგმართავთ თქვენ…მოქალაქეებო… მოგვეცით ფილარმონია და ჩვენ გასახელებთ…!
გთხოვთ გაუზიაროთ ერთმანეთს ჩვენთვის ძალიან მნიშვნელოვანი პრობლემა და დაგვეხმარეთ ამ უსამართლობის დამარცხებაში.“ – წერს გიორგი შამანაური.
newsreport.ge დაინტერესდა უფრო კონკრეტულად რა პრობლემები აქვს სახელმწიფო სიმფონიურ ორკესტრს და როგორ წარმოუდგენიათ მათ ფილარმონიის მათთვის გადაცემის შემდეგ მისი ბედი.
„ჩვენ არ გვაქვს დარბაზი რომ ჩავატაროთ კონცერტები, ამისთვის რომელიმე დარბაზი უნდა ვიქირავოთ, ამის გამო ხშირად კონცერტების გამართვა ვერ ხერხდება, ვერ ვუთანხმდებით სოლისტებს, რომლებიც უნდა ჩამოვიდნენ,ფილარმონია კი ამ დროს სრულიად უმოქმედოდ არის დაკეტილი. ფილარმონიაში კონცერტის ჩატარება 40 ათას ლარი ჯდება, რაშიც შედის დარბაზი აუდიო გახმოვანება და განათება.ყველაზე მეტ კონცერტს მაინც ჩვენ ვატარებთ, წელიწადში ჩატარებული 20 კონცერტიდან 7-8 ჩვენია.“ – ამბობს შამანაური.
