სექსუალური ძალადობის მცდელობა გორში – 20 წლის ბიჭი 16 წლის გოგონას იმ დროს აედევნა, როცა მოზარდი სკოლიდან სახლში ბრუნდებოდა.20 წლის ბიჭმა მას პირზე ხელი ააფარა და სექსუალური ძალადობა სცადა, გოგონამ ყვირილი დაიწყო და ის მეზობლებმა გადაარჩინეს.
“გაუპატიურების მცდელობა იყო. მოკიდა ხელები საჯდომზე, მკერდზე. მოდიოდა ბავშვი სკოლიდან “ნაუშნიკები” ეკეთა და ფეხის ხმა არ გაუგია. ტელეფონზე საათს დავხედე და უცებ ვიღაც მწვდა უკნიდანო, სახეზე შეეხო, ყელზე ხელიმოუჭირა. ჩემმა დამ ყვირილი რომ დაიწყო, ამეზობელი გამოვიდა. დაიჭირა ის ბიჭი და სცემა. ბავშვი, რომ სახლში შემოვიდა და ვკითხე რა მოხდა-მეთქი, ხმა ვერ ამოიღო, სულ გატეთრებუილი იყო” – განაცხადა მოზარდის დამ.
ძალადობის მცდელობაში დაკავებული ბიჭი ტარიელ ციცაგია. ციცაგის ადვოკატი, მომხდართან დაკავშირებით სულ სხვა ვერსიას ყვება. ის ამბობს, რომ ციცაგი და არასრულწლოვანი მგზავრობდნენ ავტობუსით, როცა მან დაინახა, რომ გოგოს ძვირფასეულობა ეკეთა და მას არასრულწლოვანის გაძარცვის განზრახვა ჰქონდა.
„ფაქტობრივი გარემოება იყო სულ სხვა, ერთი სამარშუტო ტაქსით იმგზავრეს, გოგონა უსმენდა ყურსასმენებით მუსიკას და რომ ჩამოვიდნენ წავიდა გოგონა კორპუსისკენ, ამ ბიჭსაც იგივე გზა ჰქონდა, შეამჩნია, რომ ეკეთა სამკაულები და უნდოდა, რომ წაერთმია” – აცხადებს დაკავებულის ადვოკატი.
ტარიელ ციცაგი სამართალდამცველებმა მომხდარიდან მეორე დღეს დააკავეს. ბრალის დამტკიცების შემთხვევაში მას 6-დან 9-წლამდე პატიმრობა ემუქრება.
