მორიგი შეფერხება მეტროში-ვარკეთილის მეტროსადგური, პიკის საათებში მგზავრებს 20 წუთის განმავლობაში ვერ ემსახურებოდა.
დაახლოებით 9:10 საათიდან მგზავრებს მეტროსადგურში არ უშვებდნენ. მიზეზად ტექნიკური შეფერხება დასახელდა, თუმცა უცნობია უფრო კონკრეტულად რა დაზიანდა ამჯერად მეტროში.
შეფერხების პერიოდში მატარებელი მხოლოდ მეტროსადგურ სამგორამდე გადაადგილდებოდა. პრობლემა დაახლოებით 20 წუთში მოგვარდა და ამ დროისთვის ვარკეთილის მეტროსადგურში მუშაობა აღდგენილია.
მეტროში გახშირებული შეფერხების გამო, 1 ივლისიდან მეტროს სარეაბილიტაციო სამუშაოები დაიწყო, რის გამოც, მეტროპოლიტენი ერთი წლის განმავლობაში, ერთი საათით ადრე, 23:00-ზე დაასრულებს მუშაობას.
