შსს მოსახლეობას მოუწოდებს რომ პოლიციის მოთხოვნებს დაემორჩილონ წინააღმდეგ შემთხვევაში პოლიცია სრული სიმკაცრით იმოქმედებს და თუ საჭირო გახდება სპეციალურ საშუალებებსაც გამოიყენებენ.
“ადგილობრივი მოსახლეობის გარკვეულმა ჯგუფმა პოლიციას გაუწია წინააღმდეგობა, კერძოდ, დაუშინეს ჯოხები და ქვები. დაზიანებულია პოლიციის ტექნიკა, ჯანმრთელობის დაზიანება მიიღეს პოლიციის თანამშრომელმა და პროტესტის მონაწილეებმა.მოლაპარაკებების პარალელურად, პოლიციის ძალების გადაადგილებისას, ხელკეტებით და ქვებით შეიარაღებულმა პირებმა პოლიციას კვლავ გაუწიეს წინააღმდეგობა. პოლიცია იძულებული გახდა სიტუაციის გამწვავების თავიდან აცილების მიზნით, გამოეყენებინა კანონით დაშვებული სპეციალური საშუალებები” – აცხადებენ შსს-ში.
დღეს დილიდან მოსახლეობა პანკისის ხეობაში ჰესის მშენებლობას აპროტესტებს. ადგილობრივებსა და პოლიციას შორის დაპირისპირება დაიწყო.
