საქართველოს უზენაესი სასამართლოს მოსამართლის თანამდებობაზე ასარჩევად საქართველოს პარლამენტისათვის წარსადგენ კანდიდატთა შერჩევის პროცედურაში მონაწილეობის მიზნით დარეგისტრირებულ განმცხადებელთა სია იუსტიციის უმაღლესმა საბჭომ დღეს გამოაქვეყნა. განმცხადებელთა შორის არიან საქართველოს მთავარი პროკურორი შალვა თადუმაძე და მისი პირველი მოადგილე, მამუკა ვასაძე.
შალვა თადუმაძე გენერალური პროკურორის პოსტს 2018 წლის 16 ივლისიდან იკავებს. მანამდე კი 3 თვის განმავლობაში, 2018 წლის აპრილიდან ივლისამდე მთავრობის ადმინისტრაციის ხელმძღვანელი იყო. 2012-2018 წლებში მას მთავრობის საპარლამენტო მდივნის თანამდებობა ეკავა.
რაც შეეხება მამუკა ვასაძეს, ის 2015 წლის 30 ნოემბრიდან საქართველოს მთავარი პროკურორის პირველი მოადგილის პოსტს იკავებს.
