ცესკოს თავმჯდომარე თამარ ჟვანია მზადყოფნას გამოთქვამს, პარლამენტში მივიდეს და დეპუტატების შეკითხვებს პასუხი გასცეს.
„მინდა გამოვეხმაურო ინტერპელაციის წესით პარლამენტში დაბარების შესახებ გავრცელებულ ინფორმაციას და აღვნიშნო, რომ როგორც ყოველთვის, მზად ვარ, ნებისმიერ შეკითხვას გავცე პასუხი. უფრო მეტიც, მნიშვნელოვანია და ჩვენს ინტერესშია, საზოგადოებას მივაწოდოთ ზუსტი ინფორმაცია. ყოველთვის მივესალმები დიალოგს ნებისმიერი ფორმით,“ – წერს ჟვანია საკუთარ ფეისბუქ გვერდზე.
ცესკოს თავმჯდომარის პარლამენტში ინტერპელაციის წესით დაბარება „ნაციონალურმა მოძრაობამ“ მოითხოვა.
