ვერეს ხეობაში ორი ობიექტის მშენებლობაზე ნებართვა გაუქმდა. თბილისის მერის თქმით, საუბარი იყო სულ 4 ობიექტის მშენებლობაზე, თუმცა არასწორად გაცემული ნებართვის გამო 2 ობიექტი ვერეს ხეობაში აღარ აშენდება.
დღესვე ცნობილი გახდა, რომ მერიის გადაწყვეტილებით ბავშვთა ქალაქ მზიურში თოჯინების მუზეუმი აღარ აშენდება. პროექტი სხვა ტერიტორიაზე განხორციელდება, რადგან მერის თქმით, მზიურში მუზეუმის მშენებლობა კანონს ეწინააღმდეგებოდა.
თბილისის მერმა დღეს თხინვალასა და ვარაზის ქუჩებიდან სოფელ აგარაკებამდე მისასვლელი გზის სარეაბილიტაციო სამუშაოები დაათვალიერა. კახა კალაძის, თქმით გზის საფარი 2.5 კილომეტრზე დაიგება და აშენდება ბეტონის დამცავი კედელიც. სამუშაოებს კონტრაქტორი კომპანია მარტში დაასრულებს. პროექტზე დედაქალაქის ბიუჯეტიდან 1 250 000 ლარამდე დაიხარჯება.
