უმრავლესობის ყოფილი წევრის დავით ჭიჭინაძის განცხადებით, “ქართული ოცნება“ თუ ქვეყანას დაცლის, მაშინ 2020 წლის არჩევნებზე ხმების 100%-საც აიღებს.
„ქართულ ოცნებას“ მიზანი თუ ის აქვს, რომ 2020 წლისთვის ქვეყანას დაცლიან, ან საეროდ ყველას გაგვიშვებენ და მარტო დარჩებიან, მაშინ 45 კი არა, 100 პროცენტზეც შეიძლება ავიდნენ. სხვა შემთხვევაში, „ქართულმა ოცნებამ“ ასეთი ტემპით თუ გააგრძელა მოღვაწეობა და ასეთი საუბრები, ერთი წლის შემდეგ მათ არა თუ კოალიციის შემქმნელად, კოალიციის დანამატადაც კი აღარავინ განიხილავს“, – განაცხადა ჭიჭინაძემ.
მისივე თქმით, “ნაციონალური მოძრაობის“ გადასაწყვეტი არ არის, ვის დაიჭერენ და ვის არა.
“რაც შეეხება „ნაცმოძრაობას“ და მის განაყოფებს, არა მგონია რომ მათი გადასაწყვეტი იყოს ამ ქვეყანაში მომავალი, ან ის ვის დაიჭერენ და ვის არა. „ლელოც“ გამოდის რაღაც მსგავსი ინიციატივით, „რევანში არ გვინდაო.“ ეს ქვეყანა რომ გაიძარცვა, ამდენი წლის განმავლობაში ხალხი რომ მოტყუებულია, მაშინ ამ ყველაფერზე ვინ აგებს პასუხს?!“, – განაცხადა ჭიჭნაძემ.
