“ტაბულას” დამფუძნებელი თამარ ჩერგოლეიშვილი ბოლო დღეებში, “ნაციონალურ მოძრაობისა” და “ევროპული საქართველოს” წევრებს შორის სატელევიზიო ეთერებში კამათს სოციალურ ქსელში ეხმაურება. მისი განცხადებით, პროცესი ჯანსაღია და კამათის შედეგად ამომრჩეველი უფრო ინფორმირებული ხდება.
“ლიბერალური დემოკრატიის მამოძრავებელი ძალა არის ინფორმირებული ამომრჩეველი.
ენმ-ის ლუსტრაცია არის ძალიან, ძალიან კარგი ქართული დემოკრატიისთვის.
აი ამისთვისაა კამათი კარგი – კამათში ვლინდება ჭეშმარიტება.
ამიტომ იყო მნიშვნელოვანი რომ გვარამიას არხის ეთერში ჯერ გიგამ, მერე კაკომ, მერე ირაკლიმ გააკრიტიკა ენმ.
შედეგი ისაა, რომ დღეს გაცილებით მეტმა იცის რომ ნაციონალური მოძრაობა შავრაზმულ ძალად ჩამოყალიბდა და კრემლისტურ პროპაგანდას ავრცელებს”-წერს ჩერგოლეიშვილი.
