შალვა ნათელაშვილიირაკლი ოქრუაშვილის და 20 -21 ივნისის მოვლენების გამო და სხვა დაკავებულთა გათავისუფლებას მოითხოვს. ამის შესახებ ლეიბორისტული პარტიის ლიდერმა, პარტიის წარმომადგენლებთან ერთად, ე.წ. მატროსოვის ციხესთან გამარულ აქცია-ბრიფინგზე განაცხადა. ნათელაშვილი ამბობს, რომ გამარჯვებული საქართველოს ლიდერი ბიძინა ივანიშვილის პოლიტიკური პატიმარია, რის გამოც ქართული ოცნების დამფუძნებელს პასუხისგება მოუწევს.
შალვა ნათელაშვილი საერთაშორისო ორგანიზაციებს მოუწოდებს “ქართული ოცნების” დელეგაციებს სანქციები დაუწესოს.
“საქართველო ერთადერთი ქვეყანაა დედამიწის ზურგზე, სადაც ციხეში ზის პოლიტიკური პარტიის ხელმძღვანელი, მშვიდობიან, უიარაღო აქციაში მონაწილეობისათვის. მე მინდა მოვუწოდო ბიძინა ივანიშვილს, ძალიან ცოტა დრო დაგრჩენია, ძალიან დიდი რისხვა გელოდება ხალხის, ესენი ყველა გაათავისუფლე, იმისათვის, რომ ერთი-ორი წელი მაინც მოგაკლდეს მერე სასამართლო განაჩენში,”- განაცხადა შალვა ნათელაშვილმა.
