“რუსთავი 2”-ის მთავარი საინფორმაციო გამოშვებას ნათია ლაზაშვილი წაიყვანს. ამის შესახებ ინფორმაციას სააგენტო sova.news წერს. ტელეკომპანიის გენერალური დირექტორი პაატა სალია უცხოური სააგენტოს მიერ გავრცელებულ ინფორმაციას არ ადასტურებს და აცხადებს, რომ რომ ყველა სიახლე საზოგადოებისთვის ტელეკომპანიის განახლებული ეთერიდან გახდება ცნობილი.
მანამდე კი ვრცელდებოდა ინფორმაცია, რომ 9-საათიან “კურიერს” ნინო შუბლაძე და ირაკლი იმნაიშვილი წაიყვანდნენ.
ნათია ლაზაშვილი რუსთავი 2-ში დაფუძნების პერიოდიდანვე მუშაობდა.ის 1995-2006 წლებში “კურიერის” წამყვანი იყო. 2006 წელს მან არხის სხვა ცნობილ ჟურნალისტებთან ერთად ტელეკომპანია დატოვა.
ლაზაშვილი წინასაარჩევნო პერიოდში მე-9 არხზეც მუშაობდა.
2012 წლიდან კი ხელისუფლების შეცვლის შემდეგ ლაზაშვილი სამთავრობო უწყებებში მუშაობს.
„რუსთავი 2“ განახლებული ეთერით და საინფორმაციო გამოშვება „კურიერით“ მაუწყებლობას 23 სექტემბრიდან დაიწყებს.
