საქართველოში ნატოს გენერალურ მდივანი ჩამოდის. იენს სტოლტენბერგთან ერთად თბილისში მისი სპეციალური წარმომადგენელი ჯეიმს აპატურაიც ჩამოვა.
საქართველოს საგარეო საქმეთა სამინისტროს ინფორმაციით, სტოლტენბერგი თბილისში 24 მარტს ჩამოვა. ოფიციალურ შეხვედრებს კი 25 მარტს დაიწყებს.
25 მარტს ნატო-ს გენერალური მდივანი მთავრობის ადმინისტრაციაში საქართველოს პრემიერ-მინისტრ მამუკა ბახტაძეს შეხვდება, რის შემდეგაც მედიისთვის ერთობლივი განცხადებები გაკეთდება.
დაგეგმილია იენს სტოლტენბერგის შეხვედრა საქართველოს პრეზიდენტ სალომე ზურაბიშვილთან და საქართველოს პარლამენტის თავმჯდომარე ირაკლი კობახიძესთან.ვიზიტის ფარგლებში, იენს სტოლტენბერგი „ნატო-საქართველოს ერთობლივი წვრთნისა და შეფასების ცენტრსაც“ ეწვევა და ნატო–საქართველოს სწავლებას დაესწრება. ეს ნატოს გენერალური მდივნის მესამე ვიზიტია საქართველოში.
