ნატოს ტექნიკა უკვე საქართველოშია. ფოთის პორტში ხომალდიდან ჩამოტვირთული ამერიკული ჯავშანტექნიკა უკვე ქართული სამხედრო ბაზებისკენ მიემართება.
ხვალიდან მრავალეროვნული სამხედრო სწავლების Agile Spirit 2019 დაიწყება და სწავლება 9 აგვისტომდე გაგრძელდება.
წვრთნები ოფიციალურად სენაკის მე-2 ქვეითი ბრიგადის ბაზაზე დაიწყება და ორფოლოსა და ვაზიანის სამხედრო პოლიგონებზე გაგრძელდება.
მასშტაბურ სამხედრო სწავლებაში ნატოს წევრი და პარტნიორი 14 სახელმწიფოს 3000-მდე ჯარისკაცი იღებს მონაწილეობას.
წვრთნებში მონაწილე ქვეყნებია: საქართველო, აშშ, გაერთიანებული სამეფო, ლატვია, ლიეტუვა, პოლონეთი, ნორვეგია, ბელგია, ბულგარეთი, საბერძნეთი, მონტენეგრო, რუმინეთი, თურქეთი და უკრაინა.
“მტკიცე სულის” წვრთნები საქართველოში უკვე მეცხრედ ტარდება.
წლევანდელი სწავლების მთავარი მიზანი ნატოს წევრ და პარტნიორ ქვეყნებს შორის ოპერატიული თანამშრომლობისა და შესაძლებლობების გაძლიერებაა, ასევე ურთიერთთავსებადობის ამაღლება ალიანსისა და პარტნიორების ქვედანაყოფებს შორის. ისევე, როგორც შავი ზღვის რეგიონში სტაბილური და უსაფრთხო გარემოს შენარჩუნებაში წვლილის შეტანა. “ძალა პარტნიორობაშია” – ასეთია წვრთნების ოფიციალური გზავნილი.
მრავალეროვნული წვრთნა კომპლექსურია და მისი სცენარი ითვალისწინებს სამეთაურო-საშტაბო და საველე სწავლებებს საბრძოლო სროლებით, სამანევრო და საბრძოლო მხარდამჭერი ელემენტების ურთიერთქმედებას გაერთიანებულ ოპერაციებში. მრავალეროვნული სამხედრო წვრთნები საქართველოსა და ამერიკის შეერთებული შტატების ევროპის სარდლობის სამხედრო ძალების ხელმძღვანელობით იმართება,
