“ნაციონალური მოძრაობის“ წევრს, ყოფილ დეპუტატს ნიკა რურუას ხვალ დაკრძალავენ. ამის შესახებ ინფორმაცია სოციალურ ქსელში პოლიტიკოსის ძმამ გიორგი რურუამ გაავრცელა.
მისივე ინფორმაციით, პანაშვიდი დღეს, ზანდუკელის #21-ში გაიმართება, ხვალ კი, ნიკა რურუას ვერაზე მდებარე ეკლესიაში გადაასვენებენ, გამოსვენება და დაკრძალვა 15:00 საათზე მოხდება”.
“ასე ვამჯობინეთ დედაჩემის მდგომარეობიდან გამომდინარე“, – წერს ნიკა რურუას ძმა.
ნიკა რურუა 50 წლის ასაკში საკუთარ სახლში გუშინ გარდაიცვალა. გარდაცვალების მიზეზი გულის შეტევა გახდა.
