“სახუმაროდ ნამდვილად არ გვაქვს საქმე, მაგრამ მოდით ერთად ვნახოთ – რა შევუკვეთეთ (2012 წელს) და რა ჩამოვიდა?
პირველი მოსმენით მოწონებული (კობახიძის კაბინეტის) კანონპროექტით უზენაეს სასამართლოში მოსახვედრად აუცილებელი კრიტერიუმი, ნაციონალური მოძრაობის რეჟიმის ზონდერობა აღმოჩნდა, აი ვნახოთ – უზენასი სასამართლოს მოსამართლეობის კანდიდატი შეიძლება იყოს მხოლოდ:
• მოქმედი მოსამართლე, რომელსაც აქვს 5 წლიანი გამოცდილება. (მეთოფიშვილების დანიშნული)
• ყოფილი მოსამართლე რომელსაც აქვს 5 წლიანი გამოცდილება და მოსამართლეობის უფლებამოსილების შეწყვეტიდან არ არის გასული 10 წელი. (ეს პერიოდი კი მოიცავს სააკაშვილის მმართველობას) უზენაესის მოსამართლეები კვლავ თავისუფლად შეიძლება გახდნენ გვრიტიშვილი, ჩინჩალაძე, მიქაუტაძე და მეთოფიშვილი – პროექტის მიხედვით, საბჭოს წევრი შესაძლოა იყოს მოსამართლეობის კანდიდატი მხოლოდ ის კენჭისყრის დროს საკუთარ თავს ხმას ვერ მისცემს.
მეთოფიშვილების შერჩეულ კანდიდატებზე ინფორმაცია კონფიდენციალურია და მეთოფიშვილებსვე აქვთ ექსკლუზიური წვდომა – 34 (2) მუხლის მე 3, 4 ნაწილებით ყველა ინფორმაცია კონფიდენციალურად ცხადდება და მხოლოდ იუისტიციის საბჭოს წევრებს უნდა წარედგინოს. ამავე მუხლის მეათე ნაწილით დალუქული ინახება 3 წლის განმავლობაში. მ ყველაფრის ფონზე, ვერავის ვთხოვთ ენდოს მოსამართლეებს, რომლებსაც მოცემული კრიტერიუმებით ერთისხმრივ არჩევს საყოველთაოდ დისკრედიტირებული იუსტიციის საბჭო, მეორესმხრივ კი კენჭს უყრის უმრავლესობა, რომლის მიმართაც ყოველდღიურად იკლებს ნდობა…
P.S. რადგან დღეს, კიდევ ერთხელ შემოგვთავაზეს ლოგიკა ცუდების გაკარგებაზე, ამ თეზისის ავტორს კიდევ ერთხელ ვეტყვი, რომ მოსამართლის ქცევას არ განსაზღვრავს სისტემა, მოსამართლის ქცევა ეფუძნება შინაგან რწმენას, მორალს, კეთილსინდისიერებას და კანონს! მოსამართლის პროფესია, ყველა სხვა პროფესიასთან შედარებით ყველაზე ნაკლებად არის სისტემაზე დამოკიდებული და ყველაზე მეტად არის ინდივიდუალური.
P.P.S. მურუსიძე ყოველთვის მურუსიძე იქნება და მეთოფიშვილი ყოველთვის მეთოფიშვილი… სინდისი ან გაქვს ან არ გაქვს, ის არც ისწავლება, არც იშოვნება!“ – წერდა შაქარიშვილი.
“აუცილებლად უნდა ითქვას, რომ ქართულ ოცნებაში თვითონ პარტიაში , საპარლამენტო გუნდში, საკრებულოში ბევრი ადამიანია ვინც განსხვავებულად ფიქრობს, რომელსაც არ მოსწონს შექმნილი ვითარება. დღეს არ არის ეს მთავარი კითხვის ნიშანი როდის და როგორ დავტოვებ ოცნებას. მე ვრჩები ღირებულებების ერთგული.როდესაც ჩნდება წყალგამყოფი დავრჩები და ვიქნები იმ ადამიანებთან ერთად, ვინც უფრთხილდება და იცავს იმ ღირებულებებს, რომლებიც არის ჩემთვის ძვირფასი. ვაფასებ იმ ადამიანებს ვინც იჩენს ღირსებას მაშინ, როდესაც ეს ყველაზე მეტად ჭირდება ჩვენს ქვეყანას და ამას აკეთებს ყველაფრის ფასად. ვერცერთი ლოგიკით, ვერცერთი პრაგმატიზმით ვერანაირად ვერ ავხსნით რატომ ხდება ის, რა პროცესებსაც ვადევნებთ თვალყურს. რაციონალურ ახსნას ჩვენ ვერ მოვუძებნით. იმაზე უნდა ვიფიქროთ და გავაგრძელოთ ბრძოლა, რომ რაღაცნაირად, სხვადასხვა ფორმით, სხვადასხვა ფორმატში უმრავლესობის რიგებიდან იქნება ეს თუ უმრავლესობის რიგებს გარეთ გადავარჩინოთ ქართული მართლმსაჯულება, რომელიც დადგა რეალური საფრთხის წინაშე, იმ ადამიანების ხელში, რომლებიც ამას საქართველოს პარლამენტის გარკვეულ ჯგუფში და იუსტიციის უმაღლეს საბჭოში ხელმძღვანელობენ.“
რაც შეეხება ივანიშვილს, შაქარიშვილი მის კრიტიკას ერიდება და ამბობს:
