ზაზა პაპუაშვილი, ნუკრი ქანთარია, გედევან ფოფხაძე, რომან კაკულია, ლევან კობერიძე, დავით ჭიჭინაძე– ეს არის იმ დეპუტატების სია, რომელთა ოცნებიდან გარიცხვას გედევან ფოფხაძის ინფორმაციით პარლამენტის თვმჯდომარე ბიძინა ივანიშვილს სთოვდა. საბოლოოდ აქედან გარიცხული მხოლოდ დავით ჭიჭინაძე აღმოჩნდა, გედევან ფოფხაძემ კი ხანგრძლივი ყოყმანის შემდეგ ქართული ოცნება თვითონ დატოვა.
ე.წ. შავი სია გედევან ფოფხაძემ სატელევიზიო ეთერში გაასაჯაროვა. მისი თქმით, ვიდრე ივანიშვილი პარტიის თავმჯდომარის პოსტზე დაბრუნდებოდა, მასთან შეხვედრაზე იმყოფებოდნენ ზაზა პაპუაშვილი, ნუკრი ქანთარია და თავად გედევან ფოფხაძე. “ოცნების” ყოფილი დეპუტატი აცხადებს, რომ სწორედ ამ შეხვედრაზე ბიძინა ივანიშვილმა განაცხადა, რომ მას ირაკლი კობახიძე 6 დეპუტატის გარიცხვას სთხოვდა და მათ შორის იყვნენ როგორც შეხვედრის მონაწილეები, ასევე რომან კაკულია, ლევან კობერიძე და დავით ჭიჭინაძე.
შეხვედრის ერთ-ერთი მონაწილე, ნუკრი ქანთარია დღეს ამ საუბარს ვერ იხსენებს, თუმცა აცხადებს, რომ გამორიცხული არ არის გედევან ფოფხაძეს მსგავსი ინფორმაცია სხვა წყაროებიდან ჰქონოდა, რადგან მაშინ დაპირისპირება უმრავლესობაში საკმაოდ მწვავე იყო.
“ბატონ ბიძინას შევხვდით, მაშინ ის არ იყო მოსული პოლიტიკაში. შევხვდით წმინდა ახლობლური თვალსაზრისით, როგორც დამფუძნებელთან და ბევრ რამეზე ვისაუბრეთ. მაგრამ მე არ მახსენდება ახლა ნამდვილად რომ მან გვითხრა, რომ აი კობახიძე მეუბნება, რომ თქვენ გასარიცხ სიაში ხართო. არ არის გამორიცხული იმიტომ, რომ მახსოვს კობახიძე ტელევიზიით ამბობდა, რომ ამ ხალხს რაღაც პარტიული სასჯელი უნდა დაეკისროს თუ რაღაც ამდაგვარს. ახალ ზუსტად არ მახსოვს. მაგრამ იქ რომ ამაზე ყოფილიყო საუბარი ამას ვერ დავადასტურებ, იმიტომ რომ მართლა არ მახსენდება. შეიძლება გედიმ სხვა წყაროდან ეს იცის და ეს არ იყო მაშინ გამორიცხული იმდენად მწვავე იყო ურთიერთდაპირისპირება,“-განაცხადა ნუკრი ქანთარიამ.
კიდევ ერთი დეპუტატი ვის გარიცხვასაც გედევან ფოფხაძის მტკიცებით ირაკლი კობახიძე ბიძინა ივანიშვილს სთხოვდა, რომან კაკულიაა. მან დღეს
