ოფიციალური ინფორმაციით, ინგლისელი ფორვარდი დანი უელბეკი და ლონდონის ”არსენალი” კონტრაქტზე ვერ შეთანხმდნენ და უკვე დადასტურებულად შეიძლება ითქვას, რომ დანი ”მეთოფეებს” ზაფხულში, თავისუფალი აგენტის სტატუსით დატოვებს.
უელბეკის კლუბიდან წასვლაზე ”არსენალის” მთავარმა მწვრთნელმა უნაი ემერიმაც გააკეთა კომენტარი: “ველაპარაკე კლუბს ამ სიტუაციაზე და გადავწყვიტეთ, ის კლუბიდან მიდის.”
უელბეკი ლონდონურ კლუბს 2014 წელს შეუერთდა, მასზე ძალიან დიდ იმედებს ამყარებდნენ, თუმცა მან მოლოდინი ვერ გაამართლა. ამის მიზეზი არაერთი ტრავმაც გახდა. წლევანდელ სეზონში დანიმ 8 შეხვედრა ჩაატარა და მის ანგარიშზე 1 გოლი და 1 საგოლე გადაცემაა. უკანასკნელად 28 წლის ფორვარდი საქმეში ნოემბერში, ”სპორტინგის” წინააღმდეგ ვიხილეთ, სადაც ტერფის დაზიანება მიიღო.
