ჯანლუიჯი ბუფონი პარიზულ კლუბს უახლოეს დღეებში დატოვებს. ამის შესახებ ინფორმაციას გავლენიანი გამოცემა Bleacher Report წერს.
გავრცელებული ინფორმაციით, ჯიჯი და კლუბის ბოსები შეთანხმდნენ, რომ კონტრაქტს, რომელსაც ივნისში ეწურება ვადა, აღარ განაახლებენ და ლეგენდარული მეკარე ზაფხულიდან ახალ კლუბს შეუერთდება.
ბუფონმა პსჟ-ს ოფიციალურ გვერდსაც მიმართა წერილით: ,,დიდი მადლობა ყველაფრისთვის. მე მქონდა სიამოვნება მეთამაშა და მიმეღო გამოცდილება პარიზში. დიდი მადლობა თითოეული ემოციისთვის და მოგონებისთვის, რაც ამ გუნდისგან დამრჩა. 12 თვის წინ მე ამ გუნდს შევუერთდი ენთუზიაზმით სავსე და როგორც კლუბმა ისე ფანებმა ძალიან თბილად მიმიღეს. კიდევ ერთხელ მინდა უდიდესი მადლობა გადავუხადო მთლიან ორგანიზაციას განვლილი წლისთვის. დღეს მე ვტოვებ ამ უდიდეს კლუბს და როგორც ჩანს ჩემი თავგადასავალი იტალიის მიღმა დასასრულს მიუახლოვდა. კიდევ ერთხელ განსაკუთრებული მადლობა კლუბის მეპატრონეებს, ჩემს თანაგუნდელებს და გულშემატკივრებს, რომლების მთელი ამ ხნის განმავლობაში გვერდში მედგნენ. გისურვებთ ყველაფერ საუკეთესოს”. – წერს ჯიჯი ბუფონი წერილში.
ჯერ-ჯერობით სად გააგრძელებს იტალიელი მეკარე თამაშს უცნობია, თუმცა მას არაერთი შემოთავაზება აქვს მსოფლიოს ყველა წერტილიდან.
