“ოღონდ ახლა დაიშალეთ მშვიდობიანად და შაბათს ყველა მინისტრს ჩამოგიყვანთ, ვისაც მოითხოვთ.“ ზუსტად ამ სიტყვებით მიმართა კახეთი გუბერნატორმა, ირაკლი ქადაგიშვილმა, მოძრაობის, „ სახალხო ტრიბუნა“, ლიდერთან, დავით ჭიჭინაძესთან შესახვედრად შეკრებილ გლეხებს.
საბანკო კრედიტები, მოტყუებული და გადაგდებული მოსახლეობა, ყურძნის და ატმის ფასი, ჩავარდნილი ტურიზმი, საყოფაცხოვრებო პრობლემები… ამ და სხვა თემებზე სასაუბროდ პატარა ჩაილურის ციხესთან საგარეჯო რაიონის მოსახლეობა შეიკრიბა.გლეხებმა ამ პრობლემებზე სასაუბროდ მოძრაობა “სახალხო ტრიბუნის“ ლიდერი დავით ჭიჭინაძე მიიწვიეს.
შეკრებილებს მთავრობის ყურადღების მიპყრობა და წლების წინანდელი დაპირებების დროული ასრულება სურთ. წინააღმდეგ შემთხვევაში მოსახლეობა ცენტრალური გზის გადაკეტვით იმუქრება.
შეხვედრაზე მოულოდნელად გუბერნატორი გამოჩნდა. გუბერნატორმა შეკრებილებს სთხოვა დაშლილიყვნენ და შაბათს დილიდან მაათან სოფლის მეურნეობის და ეკონომიკის მინისტრებს ჩაიყვანდა.
„მოძრაობის „სახალხო ტრიბუნა“ უპირველესი მიზანია ხალხის ხმა სწორედ ხელისუფლებას გააგებინოს. დღეს ჩვენ, ეს ძალიან კარგად და საკმაოდ ოპერატიულად გამოგვივიდა.“– ამბობს დავით ჭიჭინაძე და აპირებს გააკონტროლოს, როგორ შეასრულებს გუბერნატორი დაპირებას.
