უარის მიუხედავად, ოპოზიცია თელავში საპროტესტო აქციის ადგილის შეცვლას არ აპირებს

ოპოზიციის წარმომადგენელი სამართალდამცავ ორგანოებს მიმართავს, დაიცვან მშვიდობიანი მოქალაქეები, რომლებიც 16 დეკემბერს ერეკლე მეორის ძეგლთან შეიკრიბებიან და პროტესტს გამოხატავენ.

“ერთიანი ნაციონალური მოძრაობიდან” პრეზიდენტობის ყოფილმა კანდიდატმა გრიგოლ ვაშაძემ თელავში, ინაუგურაციის პარალელურად მასშტაბური საპროტესტო აქციის გამართვა 12 დეკემბერს დააანონსა. ვაშაძის თქმით, ეს იქნება მშვიდობიანი მანიფესტაცია, რომელშიც მონაწილეობას გაერთიანებული ოპოზიციის ყველა პარტია მიიღებს.

“16 დეკემბერს, თელავში ჩავატარებთ მშვიდობიან აქციას, რომელიც მთლიანად იქნება ჩვენი კონსტიტუციის, კანონის და ადამიანის უფლებათა საერთაშორისო დეკლარაციის ფარგლებში”, – განაცხადა ვაშაძემ.

“ძალა ერთობაშია” საპრეზიდენტო არჩევნების შედეგებს არ აღიარებს.

წყარო – “რეგინფო”