“ოქრუაშვილი ციხეში უნდა იყოს”-ბუტა რობაქიძის მამა სოსო რობაქიძე „შერატონ მეტეხი პალასში“ მივიდა და ხმაურიანი განცხადებები ოქრუაშვილის პოლიტიკური მოძრაობის პრესკონფერენციის დაწყებამდე გააკეთა. მისი მისვლის დროს თავად ირაკლი ოქრუაშვილი არ იმყოფებოდა.
“ამათ არ უნდა ჰქონდეთ არანაირი შანსი რომ მთავრობაში მოვიდნენ, ვინც ამ ხალხის გვერდში დადგება ჩემ თვალში ის არის კრიმინალი, ერთადერთი გული მწყდება გუბაზ სანიკიძეზე რომელსაც პატივს ვცემდი და ცალკე დაველაპარაკები. ეს კაცი უნდა იყოს ციხეში ეს კაცი არის მატყუარა. ეგ კაცი პოლიტიკაში როგორ უნდა მოვიდეს? ეგ წავა ციხეში და მაგიტომ ქმნის პარტიას რომ პოლიტპატიმარი დაირქვას! სამოქმედო გეგმაზე გავაკეთებ განცხადებას მომავალ კვირაში”,- განაცხადა სოსო რობაქიძემ.
