,,ავსტრალიაში ორი ყველაზე დიდი ხანძარი სავარაუდოდ საღამოს ერთმანეთს შეერწყმება”, – აფრთხილებს ავსტრალიის ხელისუფლება მოსახლეობას და სანამ ხანძარი ძალიან საშიში გახდება, მათ ტერიტორიის დატოვებისკენ მოუწოდებს.
სახანძრო სამსახურის თქმით, არცერთი ხანძარი კონტროლს არ ექვემდებარება და ისინი ავსტრალიის დროით, დილის 8 საათზე გაერთიანდება. მათი თქმით, თვითმფრინავი მუშაობას ძლიერი კვამლის გამო ვერ მოახერხებს.
ხანძრების შერწყმა ორი შტატის – ახალი სამხრეთ უელსის და ვიქტორიას საზღვარზე მოხდება, რასაც სამაშველო სამსახური უკვე რამდენიმე დღეა პროგნოზირებს.
პრემიერ მინისტრის, სკოტ მორისონის განცხადებით, პარასკევი რთული დღე იქნება. ,,პარასკევი რთული დღე იქნება აღმოსავლეთ შტატებში სიცხის და ძლიერი ქარის ფონზე”,- ამბობს პრემიერი.
საფრთხე ემუქრება სამხრეთ ავსტრალიაში კუნძულ ,,კენგურუსაც”.
ხანძრის ევაკუაციის სამუშაოებში ავსტრალიის სამხედროებს 150 ამერიკელი ჯარისკაცი შეუერთდა.
ამჟამად ავსტრალიაში 100-მდე ხანძრის ძლიერი კერაა. ხანძრის შედეგად 25-ზე მეტი ადამიანი გარდაიცვალა. დაღუპულია მილიარდზე მეტი ცხოველი.
