სოციალურ ქსელში სკანდალური წერილის ასლი ვრცელდება. წერილის მიხედვით, საქართველოს პატრიარქმა 1983 წელს სსრ კავშირის მინისტრთა საბჭოსთან არსებულ რელიგიის საბჭოს რწმუნებულს გივი მაისურაძეს დეპეშა გაუგზავნა და ზვიად გამსახურდიას “ბოროტმოქმედების აღსაკვეთად” ზომების გატარება მოითხოვა.
“მოგახსენებთ, რომ მოქალაქე ზ.კ გამსახურდია იდენს მოქმედებას, რომელიც არ შეეფერება საბჭოთა მოქალაქეს. იგი ლანძღავს სამღვდელოებას და ეკლესიას, რაც დაუშვებელია სსრკ კონსტიტუციით. ამასთან ერთად წარმოგიდგენთ მის მიერ გამოგზავნილ დეპეშის ასლს. გთხოვთ მიიღოთ ზომები მსგავსი ბოროტმოქმედების აღსაკვეთად”
წერილის ავთენტურობას სოციალურ ქსელებსა და ფორუმებზე უკვე განიხილავენ.ბევრი მომხმარებელი ადასტურებს, რომ ის ნამდვილად საპატრიარქოს ეკუთვნის. დოკუმენტი საკუთარ ფეისბუქ გვერდზე რელიგიის მიმომხილველმა ლევან სუთიძემ გაავრცელა და განაცხადა, რომ წერილის ორიგინალი არქივში ინახებოდა, ასლი კი განკვეთილ ეპისკოპოსს ქრისტეფორე წამალაიძეს ჰქონდა.
დოკუმენტის ავთენტურობაზე ჯერჯერობით კომენტარი საპატრიარქოში არ გაკეთებულა.
