„პოლიციამ თბილისში ცრემლსადენი გაზი და რეზინის ტყვიები გაფრთხილების გარეშე გამოიყენა მშვიდობიანი დემონსტრანტის წინააღმდეგ“, –ამ განცხადებას საერთაშორისო უფლებადაცვითი ორგანიზაცია Human Rights Watch ავრცელებს. ორგანიზაცია თავის განცხადებაში ყურადღებას ამახვილებს საერთაშორისო სამართლის, მათ შორის, გაეროს მიერ აღიარებულ ნორმებზე.
პოლიცია ვალდებულია აქციის დაშლის დროს იხელმძღვანელოს ადამიანის უფლებების საერთაშორისო სტანდარტების მიხედვით და დაექვემდებაროს გაეროს საერთაშორისო პრინციპირებით აღიარებულს სტანდარტებს, ნორმებს და კანონმდებლობას ძალის გამოყენების თაობაზე, პოლიციამ მხოლოდ პროპორციული ძალა უნდა გამოიყენოს. ისეთი საშუალება, როგორიც რეზინის ტყვიებია, მხოლოდ უკიდურეს შემთხვევაში უნდა იქნას გამოყენებული. სამართალდამცველები ვალდებული არიან პატივი სცენ გამოხატვის თავისუფლებას, როგორც სანქცირებული, ისე არასანქცირებული აქციის დროს, ძალის გამოყენების შესახებ გაეროს მიერ დადგენილი სტანდარტი სამართალმდაცველებისგან მოითხოვს, არ მიმართონ ძალადობრივ საშუალებებს”-აღნიშნულია ორგანიზაციის განცხადებაში.
შეგახსენებთ, რომ გუშინდელი აქციის შედეგად 200-ზე მეტი ადამიანი დაშავდა. დაშავებულთა ნაწილს დაზიანებები თავისა და სახის არეში აქვთ მიღებული. რამდენიმე დაშავებულის მდგომარეობა მძიმეა, მათ ქირურგიული ჩარევა დასჭირდათ.
გუშინდელ აქციაზე 31 ჟურნალისტი დაშავდა. ამის გამო დღეს ჟურნალისტებმა შსს-თან აქცია გამართეს.
