პოლონეთში საქართველოს და უკრაინის მოქალაქეების დაპირისპირების შედეგად 24 წლის ქართველი მამაკაცი გარდაიცვალა, 38 წლის მამაკაცი კი საავადმყოფოში გადაიყვანეს.
ადგილობრივი მედიის ინფორმაციით ქართველები და უკრაინელები ერთმანეთს საცხოვრებელ კორპუსში დაუპირისპირდნენ, სადაც მეზობლად ცხოვრობდნენ.
პოლიციამ საქართველოს ორი მოქალაქე და ერთი უკრაინელი დააკავა. მათ ბრალად ედებათ ჩხუბში მონაწილეობა, რომლის შედეგადაც ერთი ადამიანი გარდაიცვალა, ერთი კი მძიმედ დაშავდა.
ადგილობრივი პოლიცია მომხდარის დეტალებს არკვევს, გამოძიება საქმესთან დაკავშირებით ინფორმაციის მოგროვებით და თვითმხილველების დაკითხვით არის დაკავებული. დღეს სასამართლომ დაკავებულებისთვის პატიმრობის შეფარდების გადაწყვეტილება მიიღო.
