ამერიკულმა კორპორაცია Apple–მა მიანიშნა, რომ შესაძლოა iPhone –ის სმარტფონებზე ფასები შეამციროს იმ ქვეყნებში, სადაც ბოლო წლებში ნაციონალური ვალუტები დოლართან მიმართებაში შესუსტდა.
ძლიერი დოლარი Apple–ს პროდუქციას ბევრად აძვირებს კონკურენტებთან მიმართებაში და განვითარებად ბაზრებზე გაყიდვებს ამცირებს, განაცხადა კომპანიის ხელმძღვანელმა, ტიმ კუკმა.
მისი თქმით, Apple–მ ზოგიერთ ქვეყანაში იანვრიდან ფასების შეცვლა დაიწყო. კუკს ჯერჯერობით არ დაუსახელებია ბაზრები, რომელსაც ეს ცვლილება შეეხება. ძნელი სათქმელია მოხვდება თუ არა ამ ქვეყნებს შორის საქართველო.
ზოგადად, მსოფლიოში 2018 წელს სმარტფონების საცალო გაყიდვები 5%–ით შემცირდა. ასეთია ანალიტიკური კომპანია Canalys –ის მონაცემები.
