პრემიერ-მინისტრი ლარის გაუფასურებას და რუსული ტურისტული ემბარგოთი გამოწვეულ მდგომარეობას, 20 ივნისსა და მას შემდეგ განვითარებულ მოვლენებს უკავშირებს.
„ამ ავანტიურისტებმა შეეცადეს, რომ ეს გულწრფელი პროტესტი გამოეყენებინათ თავიანთი ბინძური პოლიტიკური მიზნებისათვის და მიიტანეს შეტევა საქართველოს კონსტიტუციაზე. როდესაც ჩვენ ვსაუბრობთ ეკონომიკის განვითარებაზე, საბაზრო ეკონომიკის მდგრადობაზე მარტივი კითხვა ხომ უნდა დავსვათ, „რას ეფუძნება მდგრადი განვითარება ეკონომიკის?“ ეს ეფუძნება სტაბილურობას და პროგნოზირებად გარემოს და პროგნოზირებადი თამაშის წესებს. ის ნეგატიური ტალღა, რაც ამ ავანტიურისტებმა შექმნეს, ეს ეკონომიკას ეხმარება, თუ პირიქით აფერხებს? აი, ეს კითხვა შეგიძლიათ დაუსვათ იმ ექსპერტებს, რომლებიც ზოგადად ამ კითხვას სვამენ,“- განაცხადა ბახტაძემ.
