დღეს საღამოს პრეზიდენტის ადმინისტრაციაში გამართულ თათბირზე ადმინისტრაციის 61–მა თანამშრომელმა შეიტყო, რომ სამსახურიდან გათავისუფლებულია. მათი გათავისუფლება რეორგანიზაციის ფარგლებში მოხდა, რომელიც 31 დეკემბერს დაიწყო და ხვალ მთავრდება.
გათავისუფლებულ თანამშრომლებს ე.წ. მობილობა გამოუცხადეს, რაც იმას ნიშნავს, რომ მათი მონაცემები საერთო ბაზაში გადაიგზავნება და ერთი თვის მანძილზე თუ საჯარო სამსახურში მათზე მოთხოვნა ან ვაკანსია გაჩნდა, ისინი დასაქმდებიან. წინააღმდეგ შემთხვევაში უმუშევრები რჩებიან.
თანამშრომელთა ნაწილმა მიიღო შეთავაზება ათონელის რეზიდენციაში გადასვლის შესახებ, თუმცა ჯერჯერობით უცნობია ზუსტად რამდენი თანამშრომელი გადავა ძველი რეზიდენციიდან ახალი პრეზიდენტის ახალ რეზიდენციაში.
უმუშევრად დარჩენილ თანამშრომლებს პრეზიდენტის ადმინისტრაციამ კანონით კომპენსაცია უნდა გადაუხადოს.
