“პრეზიდენტს არ აქვს უფლება ასეთ საქმეზე აზრი გამოხატოს” – ასე გამოეხმაურა საქართველოს პრეზიდენტი სალომე ზურაბიშვილი მამუკა ხაზარაძის საქმეს. თიბისი ბანკის დამფუძნებლების მამუკა ხაზარაძისა და ბადრი ჯაფარიძის მიმართ წარდგენილ ბრალთან დაკავშირებით საქართველოს პრეზიდენტი კომენტარს არ აკეთებს.
“ბრალდება წაეყენათ გუშინ თუ არ ვცდები. მე მესმის, რომ ოპოზიციური პარტიები, თუნდაც არასამთავრობოები თავიანთ შეხედულებებს გააჟღერებენ. მე გათვიცნობიერებული ვარ იმ ინფორმაციებში რაც ჯერჯერობით არის და ამას ვაკვირდები. ჩემი ანალიზებიც მაქვს, მაგრამ მე ვთვლი და ეს უნდა კარგად გაიგოთ, რომ პრეზიდენტს არ აქვს უფლება, რომ ასეთ საქმეში ჩაერიოს და გამოხატოს თავისი შეხედულება. სანამ პროკურატურა, სასამართლოა ჩართული , პრეზიდენტის მხრიდან ამაზე კომენტარის გაკეთება არის ჩარევა”, – განაცხადა ზურაბიშვილმა.
