“ფორმულა კრეატივის” საინფორმაციო სამსახურის უფროსი გიორგი ლაფერაშვილი და “ნაციონალური მოძრაობის” წევრი ზაალ უდუმაშვილი გენერალურ პროკურატურში გამოკითხვაზე დაიბარებს. ამის შესახებ ინფორმაციას მთავარი პროკურატურა ავრცელებს.
ტელეკომპანია “რუსთავი 2”-ის ყოფილი თანამშრომლები საგამოძიებო უწყებაში დღეს, 18:00-დან 19:00 საათამდე უნდა გამოცხადდნენ.
“სამაუწყებლო კომპანია “რუსთავი 2″-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიების ფარგლებში საქართველოს გენერალურ პროკურატურაში დაბარებულები არიან გიორგი ლაფერაშვილი და ზაალ უდუმაშვილი,”- ნათქვამია პროკურატურის მიერ გავრცელებულ განცხადებაში.
