დიასპორისა და კავკასიის საკითხთა საპარლამენტო კომიტეტის თავმჯდომარის თანამდებობიდან ზვიად კვაჭანტირაძის გადაყენების საკითხს პარლამენტის სესიაზე რომან გოცირიძ გამოეხმაურა. როგორც მან პარლამენტის პლენარულ სხდომაზე განაცხადა, კვაჭანტირაძისთვის უფრო კარგია, თუ მას უმრავლესობა ამ თანამდებობიდან გადააყენებს, რადგან, კვაჭანტირაძემ თავად აღიარა, რომ უმრავლესობიდან წასვლის შემდეგ მას კვაჭანტირაძეს მეზობლები სხვანაირად ესალმებოდნენ და მის ძაღლს, როდესაც ასეირნებს, მეზობლის ძაღლებიც ღიმილით ხვდებიან. „თუ ამ თანამდებობასაც დატოვებს, კატებიც სხვანაირად მოიქცევიან, „ქართულ ოცნებაში“ ყოფნა სირცხვილია, ამას ამბობენ ცხოველებიც“ – განაცხადა რომან გოცირიძემ.
