“ქართული მარში” პოლიტიკურ ორგანიზაციას ქმნის და საარჩევნო პროცესში ერთვება.
„ქართული მარშის“ ლიდერის, სანდრო ბრეგაძის განცხადებით,მოძრაობა მემარჯვენე-ნაციონალისტური იდეოლოგიის მატარებელი იქნება. პოლიტიკური მოძრაობა „ქართული მარშისა“ და „არმიის კონტროლის სამოქალაქო ჯგუფის“, მოძრაობა „ეროვნულებისა” და კიდევ რამდენიმე სახალხო ორგანიზაციის ბაზაზე შეიქმნება. ორგანიზაციას სავარაუდოდ „ეროვნული ფრონტი” დაერქმევა.
მარშის წევრები ახალ ოფისში მუშაობას უკვე შეუდგნენ. როგორც ბრეგაძემ აღნიშნა, მოძრაობა ყველა პოლიტიკურ პროცესში მიიღებს აქტიურ მონაწილეობას.
„ქართული მარშის” ბაზაზე გაიხსნა ახალი ოფისი და „ქართულმა მარშმა” ახალი შემადგენლობით, რეორგანიზებულად და ახალი სისხლით დაიწყო მუშაობა იმ საკითხებზე, რაც არის ჩვენი ეროვნული ინტერესების სფერო. მინდა აღვნიშნო, რომ “ქართული მარშის” და რამოდენიმე სამოქალაქო ჯგუფი “მოძრაობა ეროვნულების” ბაზაზე, უახლოეს ხანებში, შეიქმნება და გამოცხადდება პოლიტიკური ორგანიზაცია, პოლიტიკური მოძრაობა, რომელიც ჩაატარებს დაფუძნების ყრილობას. ეს მოძრაობა იქნება მემარჯვენე ნაციონალისტური იდეოლოგიის მატარებელი და ერთგვარი გაგრძელება იმ ევროპული ნაციონალიზმისა, რომელიც არის მაგალითისთვის, იტალიაში ვიცე-პრემიერის, ბატონო სოლვინის პარტია, ქალბატონი ლე პენის პარტიის მსგავსი საფრანგეთში. მონაწილეობას მივიღებთ აბსოლუტურად ყველა პოლიტიკურ პროცესში. არჩევნებშიც რა თქმა უნდა და დიდი იმედი გვაქვს, რომ ამ არჩევნებში მივაღწევთ წარმატებას“, – განაცხადა ბრეგაძემ.
