ქართველმა წყვილმა, მარია კაზაკოვამ და გიორგი რევიამ იტალიის ქალაქ ტურინში, ფიგურული სრიალის იუნიორთა გრან პრის ფინალშიგაიმარჯვა.
წყვილი პროგრამის ორივე სახეობაში პირველ ადგილზე გავიდა და ჯამში 174.90 ქულა დააგროვა. მეორე ადგილზე გავიდა ამერიკელ მოციგურავეთა წყვილი – ეივოლნი ნგუენი და ვადიმ კოლესნიკი, მესამე ადგილზე რუსები – ელიზავეტა შანაევა და დევიდ ნარიჟნი.
ეს საქართველოს ისტორიაში ფიგურულ სრიალში გრან პრის ფინალში ქართველი წყვილის გამარჯვების პირველი შემთხვევაა.
გრან პრის ფინალი მნიშვნელობით თითქმის მსოფლიო ჩემპიონატს უტოლდება და მასში მსოფლიოს საუკეთესო ექვსი დუეტი მონაწილეობს.
