საახალწლოდ ალბათ ბევრი სურვილი ჩაიფიქრეთ. იმედია ყველა გისრულდებათ. მოდით ვნახოთ, ფენ შუის მიხედვით როგორ უნდა მოაწყოთ თქვენი გარემო და რას უნდა ერიდოთ ვირთხის წელს, რომ თქვენს წარმატებას ხელი არ შეეშალოს.
ნაგვის ურნები
მიღებულია, რომ ნაგვის ურნა სამუშაო მაგიდის ქვეშ უნდა იყოს. ამით თითქოს დროს ზოგავთ – წვრილმანი ნარჩენების და ქაღალდის გადასაყრელად ადგილიდან დაძვრა არ გიწევთ და საქმეს არ ცდებით. თუმცა, ფენ შუის მიხედვით ნაგვის ურნა ნეგატიურ ენერგიას აგროვებს და საქმეებზე კონცენტრირებაში ხელს გიშლით. გარდა ამისა, წლის სიმბოლოს, თეთრ ვირთხას სისუფთავე და წესრიგი უყვარს. ამიტომაც, ორი გამოსავალია: ან ურნა საერთოდ მოაშორეთ, ან დღეში რამდენჯერმე გაასუფთავეთ.
ხის დეკორი
2020 წელი კეთილშობილი ლითონის – ვერცხლის წელია. ვირთხას არ უყვარს, როცა ინტერიერში რბილი მასალების დეტალები ჭარბობს, მათ შორის ხის. შეცვალეთ რამდენადაც შესაძლებელია ხის მასალები მეტალით, მაგალითად სურათის ჩარჩოები, კარ–ფანჯრები. ეს პატარა ცვლილებები წლის სიმბოლოს თქვენს მიმართ კეთილად განაწყობს.
ღია თაროები
როგორც მოგეხსენებათ, ვირთხას დაფარული კუთხე–კუნჭულები უყვარს. მათ შორის, დახურული კარადის კუთხეები. წლის სიმბოლოს მოეწონება, თუ თქვენს გარშემო ბევრი ასეთი კუთხე იქნება. შეცვალეთ ღია თაროები დახურული კარადებით ან სტელაჟებით. შეიძლება თქვენც უკეთ მოიხმაროთ და ვირთზაც კმაყოფილი იქნება.
ნახატები კედლებზე
მეცნიერები აღნიშნავენ, რომ ვირთხა ერთ–ერთი ყველაზე ნიჭიერი, შემომედებითი და ჭკვიანი ცხოველია, შესანიშნავი მეხსიერებით. წლის სიმბოლოს ნამდვილად მეწონება კედლებზე ხელით დახატული ნამუშევრები. ზღვის ან მთის პეიზაჟები ნაკლებად, მათში განსაკუთრებული არაფერია. ამას ჯობს ბავშვების ნახატები ან თქვენი ხელით შექმნილი ნამუშევრები გამოფინოთ კედლებზე.
