„რა დროს დასვენებაა“, “დასვენებას როგორ ახერხებთ, ხალხი მშობლიურ მიწებს კარგავს” -ამ შინაარსის პლაკატებით გორის მერიის წინ „სირცხვილიას“ ორგანიზებით სამოქალაქო აქტივისტების საპროტესტო აქცია გაიმართა.
ახალგაზრდების პროტესტი გორის მერის, კონსტანტინე თავზარაშვილის დღევანდელ განცხადებას მოჰყვა, რომელმაც გუგუტიანთკარში ჩაუსვლელობის მიზეზად შვებულება დაასახელა.
თავზარაშვილი დასასვენებლად გონიოში იმყოფება და ამბობს, რომ მიმდინარე პროცესების შესახებ საქმის კურსშია თუმცა, ადგილზე არსებულ ვითარებას პირადად გორში დაბრუნების შემდეგ გაეცნობა.
