სოციალურ ქსელში ვრცელდება ფოტოები, რომელშიც ქართული ოცნების მიერ მისი აქტივისტებისთვის გაცემული ინსტრუქციებია ასახული. ამ ინსტრუქციებს მმართველი პარტია წევრებს და მხარდამჭერებს დახურულ ჯგუფში აძლევს. დღეს 16 საათზე ოცნების მხარდამჭერები თავისუფლების მოედანზე იკრიბებიან. მობილიზაცია გამოცხადებულია მთელი საქართველოს მაშტაბით და მხარდამჭერების თბილისში ჩამოსაყვანად ოცნებამ ტრანსპორტით უზრუნველყოფაც საკუთარ თავზე აიღო. ფორმალურად ზეიმის მიზეზი საქართველოს ევროსაბჭოს თავმჯდომარეობაა. თუმცა რეალურად ქართული ოცნება საპროტესტო აქციების ფონზე იმის დემონსტრირებას ცდილობს, რომ მხარდამჭერები მასაც ყავს.
