საქართველოს ყოფილმა პრემიერმა, გიორგი კვირიკაშვილმა 2019 წლის 31 დეკემბერს მოქმედი ჩინოვნიკების მსგავსად 2018 წლის ქონებრივი დეკლარაცია შეავსო. კვირიკაშვილმა დეკლარაციაში ხუთი თვის მანძილზე საქართველოს პრემიერის რანგში მიღებულ ხელფასთან ერთად ის თანხაც მიუთითა, რომელიც ევროპის რეკონსტრუქციისა და განვითარების ბანკის საერთაშორისო მრჩევლის რანგში მიიღო. ამ თანამდებობაზე მუშაობის დაწყების თარიღად გიორგი კვირიკაშვილს 6 სექტემბერი აქვს მითითებული. ამ დღიდან 31 დეკემბრამდე კი ხელფასის სახით 29 888 ევრო აქვს მიღებული. თუ ამ თანხას ოთხ თვეზე გავყოფთ, გამოდის რომ ექსპრემიერის ხელფასი ახალ თანამდებობაზე დაახლოებით 7500 ევროა.
