,,ევროპული საქართველოს” ლიდერის, გიგა ბოკერიას თქმით, ეკონომიკურ მდგომარეობას და ლარის კურსს რეზერვების ხარჯვა არაფერს უშველის, თუ ეკონომიკური სტრატეგია არ არის ძალაში.
ბოკერიას თქმით, მისი პარტია ხელისუფლებას გადასახადების დაწევისკენ და საპენსიო რეფორმის შეჩერებისკენ მოუწოდებს, რაც ეკონომიკაზე დარტყმებს შეანელებს.
,,რეზერვები გაიხარჯება და კიდევ უფრო მეტი პანიკა იქნება. ამიტომ ვთავაზობთ ჩვენ, „ევროპული საქართველო“, უკვე ამდენი ხანია გადასახადების დაწევას, საპენსიო რეჟიმის შეჩერებას მაინც თუ გაუქმებას არა და საბიუჯეტი დეფიციტის შემცირებას, უაზრო ხარჯების შემცირებით. ეს არის ერთადერთი გზა, რაც შეანელებს ამ დარტყმას. რეზერვების ხარჯვა ამ ყველაფრის დროში გადაწევას ახდენს და საბოლოო ჯამში, პანიკას დაუმატებს იმიტომ, რომ არ აღმოიფხვრება მიზეზი, რატომ მიდის საქმე ცუდად“, – განაცხადა ბოკერიამ.
გუშინ, 19 მარტს საქართველოს ეროვნულმა ბანკმა $40 მილიონი აშშ დოლარი გაყიდა. პირველი ინტერვენცია 2020 წელს13 მარტს შედგა, რომელზეც $20 მილიონი დოლარი გაიყიდა.
