ტელეკომპანია “რუსთავი 2-მა” ჟურნალისტ გიორგი კაპანაძის დაკავების ამსახველი კადრები გაავრცელა. ვიდეოში ჩანს თუ როგორ და რა ვითარებაში დააკავეს პოლიციელებმა ონლაინ გამოცემა PRESA.GE-ის მთავარი რედაქტორი.
“აიტივის” ჟურნალისტი, სუზი მიკირტიჩიანი დაკავების მომენტში გიორგი კაპანაძესთან ერთად იმყოფებოდა. მისი თქმით, მათ ორი პიკაპი შენიშნეს გზაზე, მანქანასთან მიახლოების შემდეგ კი შიგნით მჯდომებმა მათ კითხვებს არ უპასუხეს.
შინაგან საქმეთა სამინისტროს ინფორმაციით, სამართალდამცველებმა ზუგდიდში, სოხუმის ქუჩაზე, წვრილმანი ხულიგნობის და პოლიციის კანონიერი მოთხოვნისადმი დაუმორჩილებლობისთვის გიორგი კაპანაძე ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს.
