ხანდახან არის სიტუაცია, როცა ჭამისგან თავის შეკავება აუცილებელია. გადაწყვიტეთ წონა დაიკლოთ ან კვების სწორი რეჟიმი გამოიმუშავოთ და გადაეჩვიოთ “მექანიკურად ჭამას“. არადა, ჭამის სურვილი გიტევთ. როგორ მოვატყუოთ ამ შემთხვევაში ორგანიზმი?
ჭიქა წყალი
ჩვენი ორგანიზმი ყოველთვის ვერ ახრეხებს ერთმანეთისგან გაარჩიოს შიმშილის და წყურვილის გრძნობა. ამიტომაც , სანამ საჭმელს მიადგებთ, ჯობს წყალი დალიოთ. ეს კუჭს დროებით შეავსებს და დაგეხმარებათ გაარკვიოთ, მართლაც გინდათ თუ არა ჭამა. შეგიძლიათ წყლის ნაცვლად მწვანე ჩაი ან კეფირი დალიოთ. თუ 15 წუთში მადა ისევ დაგიბრუნდათ, ესეიგი მართლაც გშიათ.
ძილი
ცხოვრების თანამედროვე ტემპი ხშირად ძილის დროს აღარ გვიტოვებს. მუდმივი გამოუძინებლობის გამო შიმშილის გრძნობა მწვავდება – ორგანიზმი ამით ცდილობს ენერგიის ნაკლებობა შეივსოს. ამიტომაც თუ საშუალება გაქვთ – წაუძინეთ. თუ შიმშილის გრძნობა საღამოს გაგიმწვავდათ, ეს დამატებითი მიზეზია რომ დასაძინებლად ადრე დაწვეთ.
თამაში
ჭამაზე ფიქრს რომ თავი დააღწიოთ, ყურადღება რამე თამაშზე ან თავსატეხზე გადართეთ. რამდენიმე წუთი თავდავიწყება და შიმშილის გრძნობაც უკან იხევს.
მოძრაობა
ფიზიკური დატვირთვაც კარგი ხერხია ჭამაზე ფიქრისგან თავის დასაღწევად. თანაც, ამისათვის არ არის აუცილებელი სპორტდარბაზში გაიქცეთ. უბრალოდ გასეირნებაც დაგეხმარებათ.
