ირანის მოქალაქე გუშინ ინფექციური საავადმყოფოდან გამოიქცა და ჟურნალისტებს ინტერვიუ მისცა, რის შემდეგაც ის ექიმებმა უკან ძალის გამოყენებით შეაბრუნეს.
ინფექციური საავადმყოფოს ბოქსირებული განყოფილების უფროსის, მარინა ენდელაძის განმარტებით, მამაკაცმა ტუმბო გატეხა, რაღაც ნაწილი მოაძრო და შეძლო კარის გაღება და გარეთ გამოსვლა.
,,შემოსვლის დღიდან ზედმეტად, გვიჭირდა ძალიან, დაცვის გამოყენება გვჭირდებოდა, რომ გაგვეჩერებინა”,- ამბობს ენდელაძე.
მისივე თქმით, შემთხვევა განსაკუთრებულად არ უნდა ჩაითვალოს, რადგან პაციენტს კორონავირუსი არ დაუდასტურდა.
ინფექციური საავადმყოფოდან გამოქცევის შემდეგ, მამაკაცმა ჟურნალისტებს უთხრა, რომ კორონავირუსი არ დაუდგინდა, რა დროსაც საავადმყოფოდან ორი თანამშრომელი გამოვიდა და ის უკან, ინფექციურ საავადმყოფოში შეაბრუნა.
