რუსთავი2–ის გენერალური დირექტორის ახალი ვიდეომიმართვა მისი ფეისბუქ გვერდით ამჯერად შაბათ დღეს გავრცელდა. ნიკა გვარამიამ ბიძინა ივანიშვილს ცნობილ ეპითეტთან ერთად ახალი სახელი მოუძებნა – ანაკონდა. ის მაყურებელს ანაკონდას დამარცხებისკენ მოუწოდებს:
“როგორ კლავდნენ ამაზონიაში ანაკონდას. როცა სიდიდის გამო ვერ ერეოდნენ, ტანზე ისვამდნენ ზეთს, წვებოდნენ და იმკვდარუნებდნენ თავს. მოდიოდა ანაკონდა, იწყებდა გადაყლაპვას, როცა მივიდოდა ხელებამდე, ამაზონიელი შლიდა ხელებს, ვეღარ ყლაპავდა ანაკონდა და იხრჩობოდა, კვდებოდა. ხოდა მეგობრებო, გამოვიღვიძოთ, უკვე გვყლაპავს ანაკონდა, ხელებამდეა მოსული. გავშალოთ ეს ხელები და დედა მ@@@@@ნათ, დავახრჩოთ ანაკონდა, ჩვენი,ადგილობრივი, უზარმაზარი, დედა@@@@@ული სვავი დავახრჩოთ, იგივე ანაკონდა, გავშალოთ ხელები, მოვიდა გაზაფხული, გამოვიღვიძოთ.
გაზაფხულის დადგომას გილოცავთ და გახსენებთ, რომ გაზაფხულზე ყველაფერი იღვიძებს და ბრძენი ამაზონიელი აბორიგენების ხერხს მივმართოთ. გვყლაპავს უკვე ანაკონდა, არა იმიტომ რომ ჩვენ ჭკვიანები ვიყავით და თავი მოვიმკვდარუნეთ. არა, უბრალოდ ამ პროცესშია. მოსულია უკვე ხელებამდე და დროზე უნდა გავშალოთ ხელები თორემ თუ აცდა ამ ხელებს, მერე უკვე თავსაც გადაყლაპავს და დამთავრდება ყველაფერი. არ მივცეთ ამის უფლება. გამოვიღვიძოთ და გავშალოთ ხელები.“ – ამბობს ნიკა გვარამია ვიდეომიმართვაში.
