რუსი ტუროპერატორები არ აპირებენ მომხმარებელს შესთავაზონ საგზურები საქარველოში, რომლებიც ერევნის გავლით საქართველოს მთავრობის მიერ სუბსიდირებული ტრანზიტული ავიამიმოსვლის საფუძველზე იქნება ფორმირებული. ამის შესახებ სააგენტო Риа Новости–ს რუსეთის ტუროპერატორების კავშირის პრემდივანმა განუცხადა. ირინა ტურინა მიზეზად იმას ასახელებს, რომ არსებობს რეკომენდაციები საქართველოს მიმართულებით ტურისტული პაკეტების გაყიდვისგან თავის შეკავების შესახებ.
გუშინ ცნობილი გახდა, რომ საქართველოს მთავრობა მზად არის 600 000 ევრო გამოყოს რუსეთიდან თბილისსა და ბათუმში ერევნის გავლით ტრანზიტული ფრენების სუბსიდირებისთვის. საქართველოს მთავრობა მზად არის თითოეულ მგზავრს ბილეთის ღირებულებიდან 90 ევრო დაუფაროს.თუმცა, შესაძლოა ეს ინიციატივა ჩავარდეს.
მისი თქმით, ასეთი ვარიანტი შესაძლოა დამოუკიდებელ მოგზაურებს გამოადგეთ, რომლებიც საქართველოში ერევნის გავლით ჩასვლას გადაწყვეტენ. თუმცა, სანამ აკრძალვები მოქმედებს, რუსი ტუროპერატორები ასეთ შეთავაზებებს არ გაყიდიან.
