“რუსთავი 2 გადადის საგანგებო მდგომარეობაზე გადადის”-ნიკა გვარამიამ საგანგებო ბრიფინგზე რუსთავი-2-ის წინააღმდეგ ახალ სარჩელზე განაცხადა.
“დაიწყო რუსთავი 2-ზე შეტევის ახალი ფაზა და რა თქმა უნდა ეს ფაზა იქნება უკანასკნელი და გადამწყვეტი არა მხოლოდ რუსთავი 2 -სთვის არამხოლოდ თავისუფალი სიტყვისთვის ამ ქვეყანაში ეს იქნება ძალიან მნიშვნელოვანი ეტაპი და ძალიან სიმბოლურია რომ ეს ბრძოლა რუსული ორიენტაციის ძალებსა და დასავლური ორიენტაციის ძალებს შორის და იმედი მაქვს რომ ყველა დასავლური ორიენტაციის ზალა გააცნობიერებს ამას, ეს ბრძოლა გადის რუსთავი 2-ზე.
რუსთავი2–ის გენერალურმა დირექტორმა, ნიკა გვარამიამ საგანგებო ბრიფინგი გამართა და ხელისუფლების ახალ გეგმაზე ისაუბრა კომპანიის დირექტორობიდან მისი ჩამოშორების შესახებ, რაც მისი თქმით ბიძინა ივანიშვილის მხრიდან არხის სარედაქციო პოლიტიკის შეცვლის და რუსთავი2–ზე კონტროლის დამყარების მორიგი მცდელობაა.
გვარამიას თქმით, სასამართლოში შევიდა კომპანიის 9% წილის მფლობელის, ნინო ნიჟარაძის სარჩელი დანარჩენი მეწილეების და პირადად ნიკა გვარამიას წინააღმდეგ. ნინო ნიჟარაძე რუსთავი2–ის ყოფილი დირექტორის და მოწილის, გიორგი გეგეშიძის მეუღლეა და მას ეს წილი მემკვიდრეობით ქმრის გარდაცვალების შემდეგ ერგო.
გვარამიას თქმით ნინო ნიჟარაძე კომპენსაციას ითხოვს პირადად გვარამიასგან, სხვა მეწილეებისგან და გაყიდვების სახლისგან, რომელიც რუსთავი2–ის რეკლამას ყიდის. საუბარია 26 მილიონ ლარზე, რომელსაც მოსარჩელე ითხოვს. ნიკა გვარამიას განცხადებით მოთხოვნა აბსურდულია და სრულიად დაუსაბუთებელი, თუმცა სარჩელი უკვე შესულია ქართულ სასამართლოში, მას ე.წ. მოსამართლეთა კლანის წევრი მოსამართლე ქოჩიაშვილი განიხილავს და წინასწარ ცნობილია რა გადაწყვეტილებას მიიღებს ის.
ნიკა გვარამია ამბობს, რომ უშუალოდ სარჩელში მისი გადაყენების მოთხოვნა არ წერია, თუმცა მათი ინფორმაციით საქმის წარმოებაში პირველივე მოთხოვნა სწორედ დირექტორობიდან მისი ჩამოშორება იქნება.
გვარამია ამბობს, რომ ამ აბსურდული დავის მიზანი რუსთავი ორის სარედაქციო პოლიტიკის შეცვლა, დროებითი მენეჯმენტის დანიშვნა, კომპანიის გაკოტრებისკენ წაყვანა და შემდეგ ბიძინა ივანიშვილის მიერ მისი შეძენაა.
სასამართლოს მორიგ სარჩელს ნიკა გვარამია მოსარჩელეს ალტერნატიულ დავას სთავაზობს.
“მე ვთავაზობ ქალბატონ ნიჟარაძეს გამოიტანოს სარჩელი ქართული სასამართლოდან და შეიტანოს ნებისმიერ საერთაშორისო არბიტრაჟში, ვიდავოთ იმ სასამართლოში, რომლიოსაც ორივე მხარესაც გვჯერა, თუ ეს არის დავა 2 ბიზნესსუბიექტს შორის, შეიტანოს სარჩელი ნებისმოერ არბიტრაჟში”-განაცხადა გვარამიამ.
2017 წლის 2 მარტს, უზენაესმა სასამართლომ რუსთავი 2 ქიბარ ხალვაშს მიაკუთვნა. ამის შემდეგ, ევროსასამართლომ, 39-ე მუხლის საფუძველზე, უზენაესი სასამართლოს გადაწყვეტილების აღსრულების უვადოდ შეჩერების გადაწყვეტილება მიიღო.
