“რუსთავი2”, სავარაუდოდ, წლის ბოლომდე დაიხურება-ეს განცხადება ტელეკომპანიის ყოფილმა გენერალურმა დირექტორმა ნიკა გვარამიამ ტელეკომპანია “კავკასიას” ეთერში გადაცემა “ბარიერში” გააკეთა. გვარამიას მტკიცებით, ბიძინა ივანიშვილს ტელევიზია არაფერში ჭირდება,და მას სავარაუდოდ სხვა მიზნებისთვის გამოიყენებს.
“საქმე მიზნად ისახავს იმის თქმას რომ “რუსთავი2” ვიღაცამ გააკოტრა, იმიტომ რომ “რუსთავი 2” უნდა დახურონ. ამისთვის ჭირდებათ პრეტექსტი, რომ თქვან აი რა დღეში ჩააგდეს კომპანია. პაატა სალიას კი გონია, რომ რაღაცას გააკეთებს, მაგრამ სინამდვილეში ეს კომპანია დაიხურება,სავარაუდოდ წლის ბოლომდე. კომპანია წავა აუქციონზე და იყიდის ის ვინც იყიდის, ვიცით ყველა ვინც იყიდის და იყიდის მიწად. ვის რაში ჭირდება “რუსთავი2” მითუმეტეს მასში უნდა ჩაასხან ფული. ქიბარს სად აქვს ფული, საერთოდ სამრეცხაოები აქვს დარჩენილი ბიზნესად, რაც შეეხება ივანიშვილს ის არ ჩაასხამს ფულს ცხადია, სანამ ეს ჟურნალისტები არიან. ბიძინა ივანიშვილი დაბმულ მდგომარეობაშია, როცა უყურებს ეკრანზე ნოდარ მელაძეს და თამარ ბაღაშვილს.”აცხადებს გვარამია.
არხის ყოფილი გენერალური დირექტორი მიიჩნევს, რომ შეცვლილი სარედაქციო პოლიტიკით “რუსთავი2-ის” არსებობას არავითარი აზრი არ აქვს.
“რუსთავი2-ის” სარედაქციო პოლიტიკის გამოცვლა ნიშნავს დაახლოებით მაყურებლის 80 %-ის დაკარგვას. იმიტომ რომ მისი მაყურებელი არის მწვავედ ოპოზიციური,ნათია ლაზაშვილს რომ დაინახავს დიანა ჯოჯუას მაგივრად, რომელი ოპოზიციის მომხრე დარჩება იქ?”-განაცხადა გვარამიამ.
