საბერძნეთში ძლიერი მიწისძვრა მოხდა. 5.3 მაგნიტუდის ბიძგები ადგილობრივი დროით 14:00 საათზე ათენიდან 22 კმ-ში დაფიქსირდა.
დედაქალაქში ბიძგები იმდენად ძლიერი იყო, რომ ხალხი პანიკაში ჩავარდა. მოსახლეობა მომხდარის შემდეგ ქუჩებში გამოვიდა. მიწისძვრამ ათენში დააზიანა ელექტროგადამცემი და სატელეკომუნიკაციო ხაზები, რის გამოც მოსახლეობა ერთმანეთთან დაკავშირებას ვერ ახერხებდა.
სოციალურ ქსელში საბერძნეთში მყოფი ქართველი ემიგრანტები წერენ, რომ ასეთი მიწისძვრა მათ არ ახსენდებათ, მათი გადმოცემით, დედაქალაქში პანიკა ამ დრომდე იგრძნობა.
ამ ეტაპზე დაშავებულთა შესახებ ინფორმაცია არ ვრცელდება.
საბერძნეთში ძლიერი მიწისძვრა ბოლოს 1999 წელს დაფიქსირდა.
