თბილისის საქალაქო სასამართლომ ვიტალი საფაროვის ჯგუფურად, განზრახ მკველობის ჩადენის მუხლით ბრალდებული ორი პირი დამნაშავედ ცნო.
მოსამართლე შორენა გუნცაძემ განაჩენი დღეს გამოაცხადა. მან არ მიიჩნია, რომ საფაროვი ეროვნული შეუწყნარებლობის მოტივით მოკლეს.
2 პირს სოხაძესა და კანდელაკიშვილს ბრალი ედებოდათ ჯგუფურად განზრახ მკვლელობაში ეროვნული შეუწყნარებლობის მოტივით.
თავდაპირველად, მათ ბრალი წარდგენილი ჰქონდათ განზრახ მკვლელობის მუხლით, თუმცა პროკურატურამ ბრალი დაამძიმა. დაცვის მხარის მტკიცებით, პროკურატურამ გადაწყვეტილება არაკვალიფიციურად მიიღო. ორივე ბრალდებულმა ნაფიც მსაჯულთა სასამართლოზე უარი განაცხადა.
